ကိုယ်ပိုင်အိမ် အိပ်မက်ပုံဖော်လိုကြသည့် လူငယ်များ

အေးစပယ်ဖြူ
အတွဲအမှတ် (၂၄ ၊ အမှတ် ၄၆၉)
ကက်ဆက်က လွင့်ပျံ့လာသည့် တေးသံရှင်အငဲ၏သီချင်းသံကမိသားစုများအတွက် လိုအပ်နေသည့် အိမ်တစ်အိမ်ပိုင်ဆိုင်လိုမှု စိတ်ကူးအိပ်မက်ကို ပီပြင်စွာဖွဲ့ဆိုပြနေသကဲ့သို့ပင်။

သီချင်းစာသားများက ငယ်စဉ်ကပင်ရှိခဲ့သည့် အိမ်လေးတစ်အိမ်ပိုင်ဆိုင်လိုသည့် အိပ်မက်ကအကောင်အထည် မပေါ်လာနိုင် သေးသည့်အကြောင်း ဖွဲ့ဆိုထားသည်။
ကျွန်မအတွေးတွေက ရန်ကုန်မြို့မှာ တစ်နှစ်ထက်တစ်နှစ်များပြားလာသည့် အထပ်မြင့်လူနေအိမ်ခန်းများနှင့် လူငယ်တို့၏ ကိုယ်ပိုင်အိမ် အိပ်မက်များနှင့် ပတ်သက်သည့် စကားသံများဆီသို့ ပျံသန်းသွားခဲ့ရသည်။

လူငယ်အများစု၏ စိတ်ကူးအိပ်မက်များတွင် အိမ်ပိုင်ဆိုင်မှုမှာလည်း တစ်ခုအပါအ၀င်ဖြစ်သည်ဆိုတာငြင်းမရနိုင်။
ပီပြင်လှပလာသည့် အိပ်မက်အချို့ရှိသလို အများစုရဲ့အိမ်မက်များကတော့ ၀ိုးတ၀ါးနဲ့ ပုံဖော်ဆဲ။

"ကိုယ်ပိုင်အိမ်လေးတစ်လုံးလောက် အရမ်းလိုချင်တယ်။ ဖြစ်နိုင်ရင် အပင်လေးတွေ စိမ်းစိမ်းစိုစိုခြံဝင်းလေးနဲ့ အိမ်လေးပေါ့။ အရမ်းကြီးတာမျိုးလည်း မဟုတ်ပဲနေရတာလည်းအဆင်ပြေမယ့် အိမ်လေးပေါ့။ရန်ကုန်မှာပဲနေချင်တယ်ဆိုတော့ မြို့ထဲမှာဆိုရင် ဒီလိုမျိုးနေနိုင်ဖို့ဆိုရင် သိပ်ဈေးကြီးမယ်ထင်တယ်။ မြို့ထဲဆိုတော့အသံလည်းဆူတယ်လေ။

ဒီတော့မြို့ထဲကိုလည်း နည်းနည်းသွားလာရလွယ်မယ့် သင်္ဃန်းကျွန်းလို၊ နေရာမျိုးမှာ ၀ယ်ချင်တယ်"လို့ အသက် ၂၅ နှစ်ရှိပြီဖြစ်တဲ့ ပုဂ္ဂလိကကုမ္ပဏီတစ်ခုက ၀န်ထမ်းတစ်ဦးဖြစ်သူ မရီရီက သူ့စိတ်ကူးအိပ်မက်ထဲက ပုံဖော်ထားသည့် အိမ်လေးအကြောင်းကို ပြောပြ သည်။

လက်ရှိမှာတော့သူကမိဘများနဲ့အတူ မိဘတွေပိုင်ဆိုင်တဲ့ ဗိုလ်တထောင်မြို့နယ်က ခုနစ်လွှာ တိုက်ခန်းတစ်ခန်းမှာ နေထိုင်လျက် ရှိသည်။

"လခစားဝန်ထမ်းတစ်ယောက်အနေနဲ့တော့ အသုံးစရိတ်နဲ့ ရတဲ့လခကစုမိတယ်လို့ မရှိပါဘူး။ နောက်ပိုင်း ကိုယ်ပိုင်လုပ်ငန်းတစ်ခုခု လုပ်နိုင်ဖို့ ရည်ရွယ်ထားပါတယ်။အဲဒီအခါကျရင်တော့ကျွန်မစိတ်ကူးထားတဲ့ အိမ်လေးဝယ်နိုင်ဖို့ ပိုနီးစပ်လာမယ်ထင်ပါတယ်" ဟု သူက ထပ်မံပြောပါသည်။

စင်ကာပူနိုင်ငံမှာ အလုပ်လုပ်ကိုင်နေတဲ့ ၂၉ နှစ်အရွယ် အိုင်တီပညာရှင် ကိုကျော်ဇောဝင်းကတော့ ရန်ကုန်မြို့နဲ့ သွားလာဆက်သွယ် ရလွယ်ပြီး အေးအေးချမ်း ချမ်းလည်း နေထိုင်နိုင်မယ့် ဆင်ခြေဖုံး မြို့နယ်တစ်ခုမှာ ကိုယ်ပိုင်အိမ်လေးတစ်လုံး ပိုင်ဆိုင်ချင်ကြောင်း ဖွင့်ဟပြောဆိုသည်။

သူလိုချင်တဲ့ အိမ်ပုံစံလေးကလည်း စိမ်းစိမ်းစိုစိုခြံဝင်းလေးပါတဲ့ တစ်ထပ်တိုက်လေးဖြစ်ပြီး အဲဒီအတွက် သူက သိန်း ၂၀၀ လောက် တော့ သုံးစွဲဖို့ ရည်ရွယ်ထားသည်ဟု ဆိုသည်။

သူ့ရဲ့ရည်မှန်းချက်ကို အကောင်အထည်ဖော်နိုင်ဖို့ သူ့ဝင်ငွေရဲ့ ၂၀ ရာခိုင်နှုန်းခန့်ကို စုဆောင်းနိုင်အောင် ကြိုးစားလျက်ရှိတယ် လို့လည်း သူက ဖြည့်စွက်ပြောပြသည်။

နောင်ခုနစ်နှစ် ခန့်ကြာသည့်အခါ သူ့ရဲ့စိတ်ကူးထဲက အိမ်လေးကို ပိုင်ဆိုင်နိုင်မည်ဟု သူက မျှော်လင့်ယုံ ကြည်လျက်ရှိသည်။
ကိုယ်ပိုင်အိမ် အိပ်မက်ကို အကောင်အထည် ဖော်နိုင်ခဲ့တဲ့ အသက် ၃၀ အရွယ် လူငယ်ဇနီးမောင်နှံကတော့ သူတို့ရဲ့ ကိုယ်ပိုင်အိမ်လေးဖြစ်တည်ခဲ့ရပုံ မလွယ်ကူခဲ့ဘူးဆိုတာကို ဖွင့်ပြောပြပါသည်။

"အရင်ကတော့ကျွန်မတို့အိမ်ငှားနေကြတယ်။ ကိုယ်ပိုင်မဟုတ်တော့ အိမ်ခဏခဏပြောင်းရတာ အရမ်းဒုက္ခရောက်တယ်။ ဒါကြောင့် ကိုယ်ပိုင် အိမ်လေးတစ်လုံးလောက်ဖြစ်အောင်ဝယ်မယ်ဆိုပြီး ကျန်တဲ့အသုံးစရိတ်တွေကို တတ်နိုင်သမျှ ချွေတာပြီး အိမ်ခန်းလေး တစ်ခန်းဖြစ်အောင် ပထမ ဦးစားပေးစုဆောင်းခဲ့ကြတယ်"ဟု ဇနီး ဖြစ်သူ မဇင်မင်းအေးကဆိုသည်။

နိုင်ငံခြားသင်္ဘောလိုင်းတစ်ခုမှာ အလုပ်လုပ်နေတဲ့ သူ့အမျိုးသားဝင်ငွေနဲ့ သူ့ရဲ့အသေးစားကိုယ်ပိုင် လုပ်ငန်းကရတဲ့ ၀င်ငွေတွေကို တစ်နှစ်ကျော်လောက် ကျစ်ကျစ်လျစ်လျစ်စုဆောင်းပြီးတဲ့အခါမှာတော့ စမ်းချောင်းမြို့နယ်မှာ စတုရန်းပေ ၉၀၀ ခန့်ရှိတဲ့ တိုက်ခန်း လေးတစ်ခန်းကို သူတို့ ပိုင်ဆိုင်နိုင်ခဲ့ကြသည်။

"ကိုယ့်လက်ထဲကပိုက်ဆံနဲ့လိုက်မီတာ ရွေးရတာဆိုတော့ ခုနစ်လွှာလောက်ပဲရတယ်လေ။ တက်ရတာတော့မြင့်တာပေါ့။ ဒါပေမယ့် ကိုယ်ပိုင်အိမ်ခန်းလေးဆိုတော့ နေရတာစိတ်ချမ်းသာတယ်။ အိမ်ဝယ်ဖို့ စဉ်းစားတော့ လေ၀င်လေထွက်ကောင်းဖို့ ဦးစားပေး စဉ်းစားခဲ့တယ်။

ဒီအခန်းလေးက ဘေးကပ်လျက်တိုက်တွေလည်းမရှိတာကို သဘောကျပြီးရွေးဖြစ်သွားတာ"လို့ သူကရွေးချယ်ဖြစ်ခဲ့ပုံကို ပြောပြန်သည်။

နောက်ထပ်အိပ်မက်ကို အကောင် အထည် ဖော်နိုင်သူတစ်ဦးကတော့ အသက် ၃၄ နှစ်ရှိပြီဖြစ်တဲ့ ဆောက်လုပ်ရေး အင်ဂျင်နီယာ တစ်ဦးဖြစ်သူ ကိုမြတ်မင်းပါ။

သူက လှိုင်မြို့နယ်က လက်ရှိနေထိုင်နေတဲ့ တိုက်ခန်းလေးကို သူ့အသက် ၂၉ နှစ်အရွယ်မှာ ပိုင်ဆိုင်နိုင်ခဲ့သူပါ။ "ကိုယ်ပိုင်အိမ်လေး လိုချင်တယ်ဆိုတဲ့ စိတ်မျိုးအသက် ၂၀ လောက်ကစပြီး ဖြစ်မိတယ်။

ကိုယ်တိုင်လည်း အင်ဂျင်နီယာဆိုတော့ ကိုယ်ပိုင်အိမ်လေးဝယ်ပြီး ဘယ်လိုပြင်ဆင်မယ်ဆိုပြီး စိတ်ကူးထားတာပေါ့။ ကျောင်းပြီးတော့ ဆောက်လုပ်ရေးနဲ့ အိမ်တွင်းအလှဆင်လုပ်ငန်းလုပ်ပြီး နှစ်နှစ်လောက်အကြာမှာ စုဆောင်းမိတဲ့ငွေနဲ့ လက်ရှိနေတဲ့ တိုက်ခန်းလေးကို ၀ယ်ခဲ့တယ်။အဲဒီအချိန်တုန်းကတော့ ကျပ်သိန်း ၇၀ လောက် ပေးရတယ်"ဟု ကိုမြတ်မင်းက ပြောသည်။

စတုရန်းပေ ၆၅၀ လောက်ရှိတဲ့ တိုက်ခန်းလေးက သူ့ရဲ့စိတ်ကူးထဲက နေအိမ်လေးမဖြစ်သေးကြောင်း ကိုမြတ်မင်းက ဖြည့်စွက် ပြောသည်။

"ကိုယ်တကယ်နေချင်တဲ့ အိမ်ပုံစံလေးကတော့ ခြံဝင်းလေးနဲ့ လုံးချင်းတစ်ထပ်ပုံစံမျိုးလေးနေချင်တယ်။အင်းစိန်ဘက်ဆိုရင် နေရတာ လည်း အေးအေးဆေးဆေးရှိမယ်ထင်တယ်" ဟု သူ့ထင်မြင်ချက်ကို ထပ်မံပြောဆိုသည်။

သူ့ရဲ့ စိတ်ကူးထဲကအိမ်လေးကို အကောင်အထည်ဖော်ဖို့အတွက် အနည်းဆုံး နောက်ထပ် ၁၀ နှစ်နီးပါး လောက် အချိန်ယူရမှာ ဖြစ်ကြောင်းလည်း ခန့်မှန်းနေသည်။

ဩစတြေးလျနိုင်ငံသားလူငယ်မိတ်ဆွေတစ်ဦးကလည်းသူတို့နိုင်ငံရဲ့လူငယ်အများစုမှာ ကိုယ်ပိုင်အိမ်ပိုင်ဆိုင်မှုအတွက် အိပ်မက် ကိုယ်စီရှိကြပြီး ဘဏ်ချေးငွေရယူနိုင်တဲ့ စနစ်ကြောင့်သူတို့ရဲ့အိပ်မက်ကို အကောင်အထည်ဖော်နိုင်ကြကြောင်းပြောဆိုသည်။

လူငယ်တွေရဲ့ ကိုယ်ပိုင်အိမ် စိတ်ကူး အိပ်မက်တွေကိုအကောင်အထည်ဖော် လာနိုင်အောင် ဖန်တီးပေးတာနဲ့အမျှ အိမ်ခြံမြေကဏ္ဍ ပိုမိုဖွံ့ဖြိုးတိုးတက်လာ စေဖို့ရာအတွက်လည်းအထောက်အကူ ပြုနိုင်မှာဖြစ်ကြောင်းသုံးသပ်ရပါသည်။